بيرز ترازو گوزي
خياري آلارديم
من، شبسترده بير قيرانه ايلاهي
ليك بققال اين محل به سه شاهي
ميدهد گل به سر دو دانه، ايلاهي
سيب هم، مثل شيمر ائيله مير هرگيز
رحم نه پيره، نه جوانه ايلاهي
گئچه ن سنه اريك ارزانيدي، گئنه بسيار
اودا قويوبدي اوخي گور كمانه ايلاهي
قيخديريب باشين هندوانه ي ظاليم
باش كسيريك بير سوغانه ايلاهي
نه يوغوردوندا دادي وار نه سوتونده
چون توكورلر سوتي طيانه ايلاهي
قاينا ديرلار، اوزون توتورلار تمامأ
جان بو ظلمه نئجه دايانه، ايلاهي
يا آلون جانيني((جيغاره)) كشانين
ياكي تنزل وئرين دخانه ايلاهي
وئريرم بير قران((جيغاره)) يه هر گون
اوج ائده ر ناله م آسمانه، ايلاهي
ملك الموتين اولماسا ايشي فورأ
اوني گونده ر گله بويانه ايلاهي
چاي توتور قوللاريمي، قت وورور هر گون
منه يوز اللي تازيانه، ايلاهي
گئجه لر قيلميرام ناماز باغيشلا!
جوجي لر قورخورام اويانه، ايلاهي
گر سنه لازيم ايدي مغمغا و جوجي
بيزي گتدين نيه جهانه؟ ايلاهي
گر كمانچا گناهيدير، نيه تعليم-
ائيله دين او فلان، فلانه، ايلاهي
گر دئسه م واعظه: سيچان نيه لازيم؟
ووراجاخ باشيمي سنانه، ايلاهي
گربه ده مثل من اولوبدي بي غيرت
ائيله مير حمله بير سيچانه ايلاهي
گورسه بير فضله ياغ ايچينده تكذبان
دوشه رم اؤن تومن زيانه ايلاهي
زير شلوار ايچينده كي موذي-
مغمغا سويله، بير اوتانه ايلاهي
((معجز)) بيچاره نين سويله نه دي تكليفي
دئييم كيمه بو سوزي يا گئديم هايانه ايلاهي؟
شبسترلي معجز
گجيل سايتي
ركلاملاري وئريلن
سايتلارين محتواسيندان سوروملو دگيلدير.
بو ركلاملار ايراندا ، آذربايجان سايتلارين آرتيق راق تانيتديرماق اوچون
بوردا ويريليب ديلار.
گجيل سايتي لينکي وئريلن
سايت يا يازيلارين محتواسيندان سوروملو دگيلدير.
