|
|
بيزيم يئر
آي عاشيق!
صحبت آچ ، گولدن، چيچكدن
چمنلر زينتي بيزيم يئرده دير
بولبوللر ذوق آلير گوللريميزدن
بهارين لذتي بيزيم يئرده دير
چال، اوخو شور ايله چوبان بياتي
سازيندا تعريفله بو شن حياتي
عطرلي گوللري، باغي، باغاتي
گوزه لليك خلقتي بيزيم يئرده دير
ائليمدن، آرخامدان غم اوزاقلاشير
ذوقيميز، نشئه ميز قاينايير، داشير
خلقيميز فرحله گولوب اويناشير
انسان سعادتي بيزين يئرده دير
سازين، كمانچانين، قارمونين، تارين
اوخويوب چالانين، گولون، بهارين
اديبين، شاعرين، هر صنعتكارين
ان بويوك قيمتي بيزيم يئرده دير
واحد
|
