|
|
سؤز
سؤز وار جانا جاندير درده درماندير
سؤز وار جان ياخاندير اوره ک سيخاندير
سؤز وار غم داغيدار سئوينج پايلايار
سؤز وار شر قوپاران فتنه سالاندير
سؤز وار کؤنول آچار اوزو گولدوره ر
سؤز وار زهرليدير سانجان ايلاندير
سؤز وار گول سويودور دادليدير بالدان
سؤز وار باغرا باتان قارا تيكاندير
سؤز وار قان قان دئير آرا قيزديرار
سؤز وار يامان گونده جان قورتاراندير
سؤز سؤز اولسا ئولچوسونو قاچئرماز
اؤز يئرينده دانيشاندير سوساندير
سؤز وئريب سؤزونده ن دؤنمه سئوگيليم
سؤزوم سؤزدور نه دئسه لر يالاندير
اسماعيل جميلي