|
|
بوندان كي آنا ديليمي دوز يازا بيلميرم ايستيرم هاي سالام ! آما بو حال دا ايستيرم آنا ديليمده يازام ، سايت دوزلدم و... چارم نه دير؟ هر حال دا غلط توركجه يازماغي بيزه باغيشلايون!
صابير
ميرزاعلي اكبرصابرطاهرزاده 1278اينجي ايلينين ذيحجه آيينين
اونوندا شماخيده آنادان اولور. 8 ياشيندا
مكتبه گئديب واوخوديغيني يازماقا هوسناك
اولديغيندان مللاسي طرفيندن آفرين عوضينه دوگولديغيني اوشاق ديليله بئله نظمه چكير:
توتدوم اوروجي ايرمضاندا قالدي ايكي گوزلريم قازاندا
موللام دا دويور يازي يازاندا
اون ايكي ياشينا يئتيشديگده مرحوم حاجي سيدعظيمين مكتبينه داخل اولموش وسيد اوندا
شاعرانه دويغو گورديگي ايچون درس وئرديگي منظوم فارسي حكايه لرين توركجه منظوم
ترجمه سيني صابردن ايستير وصابر سعدينين گلستانينين نئچه بولومون توركجه نظمه چكير.
بيرايكي ايل مكتبه دوام ائتديكدن سونرا بيرآز فارسجا وتوركجه اوخويوب يازماقيني
اورگنديكجه آتاسي اونون مكتبه دوام وئرمه سينه راضي اولماييب و صابري بير
دكانه
آپارير.
صابردكاندا گئنه درس اوخوماقا مشغول اولور
و آتاسي اوني مذمت ائديب وحتي بيردفعه ده
اونون شعركيتابيني جيرميش. وصابر يازير:
من خليل الله عصرم پدرم چون آذر سفراز بابل شيروان كنم انشاالله
گرچه او دفتراشعارمرا پاره نمود وصله باطبع درخشان كنم انشاالله
نئچه وقت خراسان، سمرقند وبخارا طرفلريني سياحت ائدير
و دست فروشليقلا كئچينيرميش.
اون بئش ايلين عرضينده سكگيز قيز اولادي اولور و بويوك بيرعائله نين تحصيل معاشي ايچون قويروق ياغي اريتمك وصابين پيشيريب ساتماقيله گذران ائدير. 1913اينجي ايلده
آغازعلي بك كوچرلينسكي جنابلريله تانيش اولور و بو تاريخدن جديتيله چاليشماقه
باشليرو ملاتصرالدين ژورنالي ياييلماقا باشلياندا اوزهنر وچيخارين گوسترمگه
بيرمساعيد يئر تاپير و بومجموعه نين بيرينجي ايلينين 4اونجي نمره سينده بئله يازير:
ملت نئجه تاراج اولور
اولسون نه ايشيم وار ...
بو شعري هجو شكلينده يازيب و هوپ هوپ امضا قويور، بوشعرهر
يئردن تحسين وتعريفلري
صابره ساري ياغديرير و اونون شهرتينه باعث اولور. صابرين دوتديغي مسلك ويول و خشكه
مومنلرين و رياكار ملانمالرين اعماليني چوخ شيرين مضمونلاريله ذم وتقبيح ائتمك اوني
قارا جماعتين لعنت وتهمتلرينه قويور اما صابر متانتيله اوز عزمينده ثبات ائدیب و
اوز يولونا دوام ائدير.
صابرتوركي ادبياتيندا بير يول آچدي كي اوندان قاباق كيمسه او گوزل شيوه ده يازماميشدير. اوكهنه شعرلريله يئني شعرلرآراسيندا بيرعصرليق اوچوروم آچدي كي
بير داها گئري دونومده او اوچورومي آتيلماغا كيمسه ده جرئت قالمادي.
صابر طعنه لر و سويوشلر هدفي اولور وحتي اوز عائله سيده اوندان اينجيميشديلر، او
شعرلرينده نئچه مستعار آدي وارايدي كي اولاردان جور به
جور، دين ديره گي، مرات،
فاضل، آغلارگوله ن وابونصرشيباني ني آدآپارماق اولار.
صابر خلقين طعنه وتعرضيندن خلاص اولا بيلمير و آخيرده ايش اورا چاتيركي كافر
و بابي
دئيه قصابلار اونا قويروق ساتميرلار و ناچار قالوب قويروقچيليق وصابين پيشيرمكدن ال
چكيب و بير نفر معلميله شراكتا مكتب آچير و اونون آدين((مكتب اميد)) قويور اما معلم ليكدن چوره ك پولي چيخمايير و داها چاره سي كسيليب 1910
ینجي ايلده باكويه
گئديرمعارف جمعيتينين بالاخاناسیندا مكتبده فارس وشريعت معلم ليگينه قبول اولونوراما
افسوسلراولسون كي 1911نجي ايلده مريض اولور وناخوشليغي قاراجيگرين شيشمه گي تشخيص
وئرينير. او اوز خسته ليغيني يولداشينا بئله خبر وئرير:
عارضي غملر اليندن اورگيم شيشميشيدي
ظن ائديرديم ائده جكدير اونا چاره جيگريم
بخت منحوسيمه باخ من بوتمناده ايكن باشلادي شيشمه گه ايندي اوزي قاره جيگريم
اونون معالجه سي فايدا وئرمير وبالاخره شماخييه قاييديرو داها زحمتدن خلاص
اولماقچون اوزونه اولوم ديله يير:
ايستره م اولمه گي من ليك قاچيرمندن اجل گورنه بدبختم اجل دن ده گره ك ناز چكه م
وآخيرنفسلرينده بورباعيني يازير:
راهم بدهيد روبه راه آمده ام
بردرگه حضرت اله آمده ام
بي تحفه نيامدم نه دستم خاليست بادست پراز همه گناه آمده ام
بو بويوك اينسان 1912دا اللاهين رحمتينه واصيل اولور.
منبع : ((ع.صحت))
يازيلاري
نظر لرينيز!