|
|
نصرت كسمنلي
واقتلي واقتسيز بير اولوم دور گله جك
بوغوب مني قاه- قاه چكيب گوله جك
آچيق قالان گوزلريمسه گوله ره جك قاپامايين گوزلريمي، آمان دير
((يوسف اوغلو نصرت كسمنلي)) 1946- نجي ميلادي
ايلينده آذربايجاندا قازاخ رايونون اطرافيندا يئرلشن كالينين كندينده بير زحمت چكه
ن عائله ده دونيايا گلدي.
نصرت ايلك و اورتا مكتبي بيتيرديكدن سونرا 1966- نجي ايللرينده آذربايجان دولت
دانيشگاهينين ژورناليست فاكولته سينه داخل اولوب و بو فاكولته ني ايسه اوغورلا باشا
چاتديرميشدير.
شاعير يونيورسيتي ني بيتيرديكدن سونرا آذربايجان يازيچي لار بيرليگينه داخل اولوب و
اوردا ادبي مصلحتچي اولموشدور و يازديغي اثرلره گوره بو قورقو نون كئچيريلن 7- نجي
قورولتاييندا اداره هياتي نين عضو و شعر شوراسينين صدري سئچيلميشدير.
نصرت كسمنلي چوخدان ايدي كي بويره ك خسته ليگيندن عذاب چكيردي آنجاق دورد آي بوندان
اونجه تبريزه گليب و عمله حاضيرليق ايشلرينه باشلادي. تاسفله بو بويوك شاعير 1382-
نجي ايلده مهر آيينين 24ونده تبريزين امام خسته خاناسيندا سون منزله كوچدو.
آذربايجان يازيچي و ادبچيلرينين طرفيندن قرار اولدي شاعيرين تعزيه سي جمعه
گونو2/8/1382 ده ساعت 10 ندان 12 يه تبريزين شهيدي مچيدينده
توتولسون. اما تاسفلر اولسون كي شاعيرين تعزيه سينه گلنلر جمعه گونو مچيدين باغلي
قاپيسيله اوز به اوز اولدولار!
هئچ سازمان و شخص بو ايشي بوينونا آلمادي و
بللي اولمادي كيملر مچيدين باغلانماقينه
دستور وئرميشديلر و مچيدين قاباقيندا دوران شخصي پالتارليلار كيمديلر
و هاردان بئللري
باغليدير، اما بيلنلر بيليرلر بو ايش و
بو ايشلرين تايي كي تبريزده سابقه سي چوخدور
هارالاردان سو ايچير!!؟؟
قايناق: احرار درگيسينين 428 نجي شوماره سي
گئتمک ايسته ييرسن،بهانه سيز گئت
سس - اوخويور : بابا ميرزايف ( download )
گئتمک ايسته ييرسن،
بهانه سيز گئت،
اوياتما مورگولو خاطيره لري،
سسين همين سس دير،
باخيشين اؤگئي،
گئديرسن،
سسين ده ياد اولسون باري...
سن دنيز قوينونا آتيلميش چيچک،
اوستونه دالغالار آتيلاجاقدير.
ساختا محبتين
ساختا سند تک
نه واختسا اوستونده توتولاجاقدير.
دؤشه نيب يوللار تک آياقلارينا
سنه يالواريم مي...
بو مومکون دگيل!
قويمارام قلبيم تک ووقاريم سينا
آلچاليب ياشاماق عؤمور – گون دگيل.
دئميرم سن اوجا بير داغسان، اگيل،
دئميرم قاليبدير علاجيم سنه.
نه سنده محبت قارا پول دگيل،
نه من ديلنچييم ال آچيم سنه...
گئتمک ايسته ييرسن...
او يول، او دا سن...
بير جوت گؤز باخاجاق آرخانجا سنين.
گئتدين مي...
نه واختسا دؤنمک ايسته سن
تيکانلي ياستيغا دؤنه جک يئرين.
گئتمک ايسته ييرسن....
نه دانيش، نه دين!
يوخ اول اوزاقلار تک دوماندا ، چنده...
نه ييمي سئوميشدين؟
دئييه بيلمه دين،
ايندي يوز عييب گؤزوزسن منده.
گئتمک ايسته ييرسن،
بهانه سيز گئت،
اوياتما مورگولو خاطيره لري.
سسين همين سس دير،
باخيشين اؤگئي،
گئديرسن،
سسين ده ياد اولسون باري...
نصرت کسمنلي
نظر لرينيز!