|
|
بوندان كي آنا ديليمي دوز يازا بيلميرم ايستيرم هاي سالام ! آما بو حال دا ايستيرم آنا ديليمده يازام ، سايت دوزلدم و... چارم نه دير؟ هر حال دا غلط توركجه يازماغي بيزه باغيشلايون!
"گجيل نه ديير" سوزونه علاوه
دوغروسي گجيل سايتي ايستمير كي سياسي و اونا اوخشار مسئله لره باش قاتا ! ( و البته اوزون ده او صلاحيتي گورمير! ) آمما نئچه نفر ديل داش لاردان "گجيل نه ديير" سوزونه گوره سوال و يا دا اعتراض لاري واريدير . اونا گوره بو مطلبي داها دا آيدين المه ماقا خاطير آشاغا دا اولان مطلب منيم عزيز دوستوم مهدي واحدين توسطيله يازيليب دير. بو مطلب بير عزيز دوستا خيطاب يازيليب دير كي بوردان و بوردان او جنابين نظر لرين اوخويا بيلر سينيز. بو مطلب هچ عنوان دا بير "جوابيه" عنوانين دا ديير و تكجه "گجيل نه ديير" سووزون آراشدير ماق اوچون دير.
بو يازي بير " جوابيه " دگير بلكه اوز ايستك لريميز و يًولوميزي سيزلره گوسترماق و آراميزدا اولان بيرليكلري آيدينااتماقدير.
1) سوزلرينيزده واريدير كي ديل شناس لار دييرلر ديل ياني گوج. بيلمديم منظورونيز بو گوج دن نه دير، اگرمنظورونيز بو دير كي هر ميللتين ديلي بويوك اولا او ميللت گوجلو ساييلير اوندا عربلر دونيانين ان بويوك قدرتي ديلر وچين لي لر گره ك دونيايا حكومت ائليه لر چون اولارين ديللرين دن چتين و چوخ لغتلي و البته بويوك ديل يوخدور!
بيزيم نظريميزه بو ديل دگيركي انسانا گوج وئرير، بلكه بو اينسان دير كي ديله گوج وئره بيلر. فرانسه ديلي اولين دن بئله بويوك دييردير، بلكه بو فرانسه نين يازيچي لاري دي لار كي بو ديله بئله بيرقدرت وايفتيخار قازانيبلار و اگر ايندي سوزلريميزده اونلار دانا فرانسه، انگليسي و... علمي لغتلري وار بو او ئولكه لرين علم يولوندا چاليشماسين گورسه دير و او ديللره بير مزيت ساييلير.
بو كي ديل ياني گوج، نئچه يوز ايلليك استعماري توجيه ائلير. بير اينگيليز لي نين چون ديلي انگليسي دير پس گوجو وار دير و هر ايش گورسه گوره بيلر و ايليه بيلر آفريقا و آسيا ميللتلرين بنده چكه و اولاري اوزونه قول بيله! اسپانيالي جنوبي آمريكاني اوزونه چيخا و پرتغاللي بوتوو دنيزلرين صاحابي اولا!
هر ديلين گوجي او ديلده دانيشانلارين رفتار لاريندا و يارادديغي اثرلرينده دير. بو كي بيز بونا اوزوموزي خوش ائلياق كي توركوق پس گوجوموز وار ، بيزيم نظريميزه ، ايشتيباه دير. بيز اوزوموز گره ك بو گوجي اوز ديليميزه وئراق.
2) سوزلرينيزين ايكينجي بندين ده حق سيزينن دير، ايللر بويو گيزلين اللر بيزي اوز يوكسل و زنگين وارليغيميزدان اوزاق ساخلاييب ، بيزي اوزلوقوموزدان آييرماقدان اوتور ، بيزه بير قوندورما كيمليك دوزه لينيب و بيزيم تاريخيميز و كئچميشلريميز چوورولونوب. دانيشانلارا ((پان توركيست)) ليق لقبي وئريليب و دانيشمييانلارا((ترك خر))!
بلي ، هراينسانين فرهنگي، تاريخي و... محترم دير ، يا آروپالي اولا و يا آفريقانين چوللرينده!
بو كي بيزيم مدنيت و فرهنگيميز بويوك دير يا فارسلارين كي ، اونو گره ك بويوك فرهنگچيلر و ايش بيلنلر دييه لر نه بيزلر.
3) بلي ، فارس شوونيسمي او گون دن قورخور كي ايران دا دوغرو دموكراسي يارانا. آما اگر بيز اوزوموزي ايرانلي بيلساق فرق ائله مز مثلا " رئيس جمهور" فارس اولا يا تورك يا عرب اگر ايران ايرانلي لارين هاميسينين اولسا . و اگر دوغرو بير قانون ايش اوسته گلسه اوندا ((حب و بغض)) لار و يالان تعصبلار آرادان گوتورولر و اوندا اصفهانينان آذربايجانين فرقي و كوردوستانينان كرمانين فرقي و... اولماز. بيز گره ك فارسلارينان شوونيسمين آراسيندا فرق قوياق، بلي ائله فارسلار وار كي توركي آدام حساب ائله مير! اما اونلارين گوناهي يوخدور! اونلارا اوجور تلقين اولونوب كي توركلردن نفرتي اولسون، همان جور كي بيز اوزوموزي تانيميريق اودا بيزي تانيمير! ايندي ائله اوجوركي دونيا دموكراسي داليندا، بيرليكده آختارير. ايندي مرزلر آرادان گوتورولور و دونيا بير((دهكده ي جهاني))يا اوخشايير، آلمان و فرانسه ميللتينين واحد پوللاري وار! همان ميللتلر كي 50 ايل بوننان قاباق قانلي پيچاق ايديلار! يوخ، يوخ ! بو ميللتلر دييرلر كي بيربيرلري نن جنگ ائليرلر ، بو((هيتلر)) دي كي دونيانين حكومتين ايستير، ناپلئون دي و... دي كي ميللتلري بيربيري نن دوشمن ائلير.
بيز دئيريق ايرانين بويوك حيصه سي تورك دير و بيزده او چيخار وار دير كي ائليه بيلاق اوز سهميميزي ايراننان آلاق و بو شوونيسمي آرادان آپاراق، بيزيم آيريلماميز ياني قاچماق، ياني فارسلارين اوستونلوقون قبول ائله ماق، ياني ايراني اولارا وئرماق! ((قالسين كي آذربايجان ايراننان آيريلسا دا او ايرانا ايران دئماق اولماز!))
شايد فيكر ائليه سيز كي بولار خيالات دير و ايران هئچ وقت او دموكراسييا و او آزادليقا يئتيشمز كي هر كس اوز حقينه يئتيشه، بلي چوخ چتين دير اما مومكون دير، دونيانين تاريخي بوني اثبات ائلير. بلي مومكون دير كي بيز هم ايرانلي اولاق و هم تورك، هم باكي لينان بير ديل، بير قان قارداش اولاق و هم شيرازلينان وطن داش، بلي بير گون اولار كي او ادبيات كيتابلاريندا كي ((تاريخ ادبيات ايران!!!)) آدلانير وبيز بيرينجي كيلاس دان اولاري اوخويوروق تورك شاعيرلرينن ده يازيلسين و بيز آناديليميزين يازماق و اوخوماقين اورگه ناق، بير گون اولار كي ...
او گون يئتيشر اگربوتون ايران توركلري ميللي حقلرينه تانيش اولوب و اوني اله گتيماق اوچون ال اله وئريب حركت ائله سينلر، اوندا دي كي شوونيسمين يازيق ليق و چيچيك ليغي بوتون ايرانلي لارا آيدينلاشاجاق. بيز اوزوظيفه ميز بيليريق اگر الي يه بيل ميريق بوحركته كومك ائليياق ، قوشولاق اونا واونو قاباقيندا دورميياق.
4) بيز دئميريق ايرانين قوميتلري بيربيرينه قاتيشيب ، يوخ بيزيم سوزوموز بودور كي بيز مينلر ايل بيربيريميزينن ياشاميشيق و ايندي آيريلساقدا بو ريشه آرادان گئتمز، همان جور كي قوزئي آذربايجانين ميللتي يوز ايل دمير ديوارينين داليسيندا ياشاماقينان اوز ريشه لرين اونوتماييبلار.
5) آذربايجانين چوخلي جوانلاري كيمي بيزيم فارسي سواديميز توركودن چوخ چوخ دير، اگر بيزيم عقيده ميز سيز "ايندي من توركم- سن فارس سان زماني ديير" جمله سين دن بيلديگيز اولسايدي ، بيز بوتون بو سايتي فارسي يازارديق كي هم ايشيميز راحات اولا و هم فارسلاردا بو سايت دان فايدالانا لار. يوخ، بيزيم نظريميزه ايندي بيزيم احتياجيميز آناديليميزي باشارماقا و اوز وارليقيميزا تانيش اولماقا گئچن يوز ايلليكلره گوره چوخ چوخدي. ايندي ((دهكده ي جهاني)) زماني دي و او زمان دي كي اصلي جنگلر توپ - توفنگينن ديير ، بلكه جنگلر، فرهنگ وسيله سي نن اولونور. شهريار ديير:
ايندي دونيا يوز ده دئسن ساغ- صول دور موشك ايچون ايكي ساعاتليق يول دور
ايندي هر ميللت اوزون تانيماسا و اوز وارليقين تاپماسا بو جنگده اوزلوقون الدن وئره جاق و آيري فرهنگين و آيري ميللتين قوللوقون قبول ائليه جاق كي استعمارين بوندان آرتيق هدفي يوخدير، او انسان كي اوزلوقون الدن وئردي بير ماشين ساييلير، ائله ماشين كي هر نمه نه دئسن ائليه جاق و هر يولا آپارسان گئده جاق و بيزيم اربابلاريميز بئلنچي بير انسان آختاريللار.
عزيز دوستوم بيز ده تورك، آذربايجانلي وايران لييق و اوز هويتيميزه، وارليقيميزا، ديليميزه، گئچميشيميزه و... افتخار ائليريق و اومودوموز بودوركي گله جاقيميزدا آذربايجانيميز داها دا افتخارلي اولسون.
شاد اولون شاد ياشايين. سون
يارديملارينيزين يولون گوزلوروق .
نظر لرينيز!