|
ائل گوجو، سئل گوجو((بابك قالاسيندان...))
آيلار، هفته لر بكله
نتي سونا چاتماقدادير. ميللتين آند ايچيب، ايلغار باغلاديغي گون
يئتيشميش. بو ايل اوتن ايللردن داها دويار(حساس)، داها اونملي دير. بير
ياندان بير سويله وه گوره حضرت فاطمه شهادتيله ايلگيلي توره ن بير هفته
سونرايا، ياني يئگنج(تير) آيينين 18 و 19- جو گونلرينه آتيلميش دير.
يالنيز 11و 12 سين دئيه نده وارايدي. بو اوزدن ده بير سيرا دارتيشمالار
اوزه چيخميش دير. باشقا ياندان بابك قالاسيندا حربي مانورون كئچيريلمه سي
و اونون گئنيش تبليغاتي، ميللت ايچينده قورخو يا خود چاش- باش ليق
تورتميشدي. بوتون بونلارا باخماياراق هامينين گوزلرينده قالايا چيخما
جوشقوسو دالغالانيردي.
بيزده ايكي ميني بوس
ايله چوخ چتين ليكدن سونرا يولا دوشدوك. يوللار هله آچيق دير. بويوك-
كيچيك آرابالار بير-بيرينين آرديندان چوخ سيخ ترافيك له يورومكده ديرلر.
آرابادا هامي شن، سئوينجلي، جوشقولو دانيشيب، گولوب ماهني لار
اوخويورلار. اهر شهرينه يئتيشديك، هئچ نه يوخ. هم سئوينيرديك هم
شاشاليرديق. آنجاق بونلارين هاميسي اهرين 5 كيلومترليگينده سونا چاتدي!
بير نئچه ساخلانيلميش ميني بوس آرديندان بيزي ده ساخلاتديلار. اونجه شربت
گتيرديلر!. هامي ايچيب شربت گتيرنين اولن لرينه رحمت اوخودولار. بير آز
سورغودان سونرا قاييدين دئديلر. يولون قيراغيندا يئره انيب دايانديق.
اوچ- دورد بويوك آرابادا گليب چاتدي. يوز نفردن آرتيق، 70كيلومئترليك
يولو يايا(پياده)
گئتمه يه سوز وئريب،
يولا دوشدوك. يئنه ده سيلاحلي قووه لرله قارشيلاشيب، چوخ دارتيشمادان
سونرا گئري دونمك زوروندا قالديق. ايكي ساعات قالديقدان سونرا اهره دونوب
كيچيك آرابالارلا كلئيبره ساري يورودوك. بير نئچه يئرده ساخلانيليب،
آختاريلما و سورغودان سونرا، اونلار توتاري، انگلي آشاراق گون باتان چاغي
قالا دره سينه يئتيشديك. خاطيرلاييم كي مينلر نفر يوللاردان قايتاريلدي.
گئجه دونونو سرير.
چئوره ني قورخو قاپساييب. بابك قالاسي بير توريستي يئر دئييل، آرتيق بير
حربي دوشرگه يا خود ياخشي دئسك حربي آلان دير. گئجه بير- ايكي توپلانتي
قورولماغينا باخماياراق بئش- اون ده يقه ايچينده تپه دن ديرناغا
دونانميش(سيلاحلانميش) اينتيظامي گوره وليلري ساريندان داغيديلدي. گئجه
بير آز او اوز- بو اوز سوسلوقدادير. هره اوز يولداشلاريله بير يئره
ييغيشيب دانيشيرلار. يئمك يئمه يه ده بئله ماراق يوخدور. سانكي تاريخين
بوتون آجي آغري لاري بير سيرا ميللتچي نين اوره يينده دويونله نيب،
گوزلرينده سوزور.
سحر ياخينلاشير.
دوستلارلا بيرليكده گونشين دوغماسين گوزله ييريك. بير آندا ائله بيل كي
هر شئي ده ييشيلدي. اوجا داغ باشيندان گونش قاش- گوز آتيب، هيزلا(سرعت
له) يوخاري يا قالخدي. اوركلره اومود دوغدو. آرخاداشلارين بيري((گئجه
اونلارين ايدي، گوندوز بيزيمدير)) دئدي. ياتانلار يوخودان اويانيرديلار.
سحر يئمه يي يئييلدي. هامي نه اولاجاقدان قوشقولو(شوبهه لي) اولاراق
قالايا يورومه يه حاضيرلانيرلار. ساعات سگگيز هنده وه رينده دير. يوروش
باشلاندي. آلاي- آلاي آذربايجانين غئيرتلي اوغوللاري، قيزلاري بير-
بيرينه چاتيب، يئنيلمز بير اوردو ياراتديلار.
اوزگورلوك اوردوسو اوز
تاريخسل، اولمز قهرماني اولو بابكين آت ناللاري ايزين اوپوب سونسوز گوج
آلاراق ايره ليله يير. قالانين يولوندا كي پيلله لرين آياقدان باشاجان
اوتاي بوتاييندا ايكي- اوچ مئتيردن بير، دوزولموش سيپاه حربچي لري
آراسيندان بير شئي دئمه دن چوخ اوتكم له سووشدوق.
پيلله لرين
قورتولاجاغيندا ((كوچه لره سو سپميشم)) ماهني سي سسلندي. سونرا ياواش-
ياواش ميللي ماهني لار ديل آچدي. بير آن دونوب آرخاما باخديقدا سئوينجدن
اوره ييم اسدي. سونو كسيلمه ين بير اوردو، آغير و قورخونج الك لردن كئچه
رك بابك اينامييلا يوخاري قالخيب، بير گون ده اولموش اولسا بئله، بابكين
اولو روحونو شنلنديردي. شوعارلار سسله ندي:
" ياشاسين آذربايجان،
آتا بابكيم آتا بابكيم قويما ائلين ياتا بابكيم، اولوم اولسون
شوونيسته، منيم ديليم اولن دئييل باشقا ديله چونن دئييل، يا آزادليق يا
اولوم، محو اولسون پهلوي محو اولسون سلطنت، آذربايجان ميللتي سلطنتين
دوشمني، يا قاراباغ يا اولوم باشقا يولو يوخ آرتيق، قاراباغدا قان
آخير گونئي اوزاقدان باخير، ائرمني جنايت ائيله يير فارس حمايت ائيله
يير ، ان چوخ سسله نن شوعارلار اولدولار. بئله ليكله آذربايجان ميللتي
آند ايچميش دوشمنلري اولان فارس شوونيست لري و پهلوي لرين ديشاري داكي
آزيب، قاچانلاري و ايچري ده كي تور- توكونتولرينين آغزينا بير شاپالاق
چالدي كي هله ليك اوزلرينه گله بيلمزلر.
بير چوخ يئرلرده
آزادليق اوردوسو اللرين قورد باشينا اوخشاداراق ائله اولاييرديلار كي
داغلاردا 12يوز ايلليك ايتگي نين آغري سيني ائشييه بوراخيب جاواب
وئريرديلر. خاطيرلاييم كي تورك اولوسو قوردون آزاد، اصالتلي، قورخماز،
ايگيد، بيرگه ياشاماق و ... اوزه لليك لريني گوز اونونه آلاراق، اونو
توتم(قوتسال بير حئيوان يا باشقا بير شئي) حالينا گتيرميشلر. اينديسه
اولاماقلا اوز كوكلري اوستونده دورماغي يئتيريرلر.
دئمك گرك لي دير كي
داغلارين دوشونده آلاي- آلاي بسيج قووه لري دايانميشديلار. قالايا ياريم
ساعاتليق يول قالميش، يوخوشلوغو چوخ اولان بير داغين باشيندا سايسيز پليس
قووه لري گوروندو. ساواشا حاضير، گوزلريني قان بوروموش، ميللت قانينا
سوساميش دورومدا يولو كسميش ديرلر. داغ دوشونده مينلر نفر ايستك لري
ايللر بويو آياقلار آلتدا تاپدالانان داياندي. گلن لرين هله سون اوجو
گورونمه ييردي. يئنه شوعارلار ديله گليب اولامالارلا گوج تاپيردي.
دانيشيق لار و ميللي شعرلر ميللتي داها هيجانا گتيريردي. چوخ اينجه
آختاريش لارلا گليب چيخان اوچ پيلاكارد آچيلدي. پيلاكاردلار آچيلجاق پليس
گوره وليلري وحشي جه سينه يوگوروب و اونلاري آلديلار. بئله كي بير
سيرانين قاچماسي سونوجوندا اوزو آشاغي اولدوغونا گوره نئچه آذربايجانلي
آياقلاندي و بير نئچه كيچيك اوشاق و قادينين دا اولمك قورخوسو وارايدي.
بير كيچيك انساني ايسته يين قارشي سيندا بير بئله وحشي ليك اولارمي؟...!
بونونلا بئله توپلانتي
داغيلمادي. آنجاق بير آز سوسقونلوق سوردو. بيردن سانكي بير بومبا
پارتلادي. اون- اون ايكي ياشيندا بير قيز، گله جه يين تومروسو آتا- آنا
سينين يانينداايكن هايقيردي: ((آذربايجان اوياقدي اوز ديلينه
داياقدي)). اورك چيرپينتي لاري گوز ياشلاريندا لپه لندي. هامي سسينه سس
وئرديكده داغلار تيتره ييب، دوشمن چوماقلاري قورخويا بوروندولر و بير
داها تورك قيزي اوز غيرتيني گوز اونونه سرگيله دي. پليس، توپلولوغو چئوره
له مك ايسته يير، آنجاق توپلوم اوجسوز- بوجاقسيز دير. بو دورومدا
توققوشمالاردا اولوردو. او چاغدا هر اينساني هابئله حئيواني دا
دويغوساللاشديريب، دوشوندورن شوعارلار سسلندي:
" هاراي هاراي من
توركم، هاراي هاراي سن توركسن، سنده توركسن منده تورك، قارداش قارداشي
ويرماز تورك توركي فارسا ساتماز، قارداش قارداشين دره يه آتماز و ..."
هارايلاري سانكي پليس لرده ده ائتگي بوراخيب، اونلاري بير آز كويلوكدن
بئله سالميشدي. بير سوره ديره نيشدن سونرا توپلو داغيلماسين دئيه آزادليق
اوردوسو قالاني گورمه دن قاييتماغا قرار وئردي. قاييداركن يئنه شوعارلار
داها گوجلو سسلنيردي. بو آرادا اوزون سوره ن ائتگي لي شوعارلار
ائشيديليردي پليس لره اوز توتاركن: ((داش باشيوا بئغيرت!)) ، ((اولوم
اولسون ساتقينا)) سسلري سوروردو. پليس لر ياخينلاشينجا هامي دايانيب
((اولدو وار دوندو يوخ)) سسلري ايله پليس لري اوزاقلاديرديلار.
او گون آذربايجان
ميللتي بويوك قازانج الده ائتدي. حاكميت داييره سي ميللي حركتين بوتون
تانينمبش چاليشانلارين يا خود حركتين آغ ساققاللارين توتاراق، بير آي
اونجه دن ميلياردلار تومن هزينه ايله قالاني حربي دوشرگه يه چئويريب،
گئنيش تبليغات آپاريب، ميللتي قورخويا سالاراق ، يوللارا آغير توتارلار
ياراداراق، آذربايجان ميللتي هر ايلدن گوجلو قالايا ساري آخيشيب و اوز
دوشمنينين اليني اوخوياراق، ميللت قارشي سيندا نه قده ر گوجسوز اولدوغونو
دا آنلادي و بير داها بو آتا سوزون خاطيرلاتدي كي: " ائل گوجو سئل
گوجو"
بئله ليكله آذربايجان
ميللي حركتي اوز سينمازليغيني بير داها اثبات ائتدي و گئرچكدن آذربايجان
ياشادي.
حق چاي كيمي دريايه
آخيب يول تاپاجاقدي كيمسه اونا داش آتماغينان دونده ره بيلمز
دونياده قارانليق لار اگر جمع اولا با
هم
بير خيرداجا شمعين ايشيغين سوندوره بيلمز
((سينماز قاراخانلي))
|
