|
|
دونياليق اوشاقلار و تلويزيا گونو
21
اينجي يوز ايلليك ارتباط
عصری
آدلانيبدير. بو عصرده مرزلر آرادان گوتورولوب و ارتباط وسيله
لرينين اولماغی باعيث
اولوب دونيانين اوتاي بو تاييندا
خبرلر تئزليكجه ياييل سين.بشر يغينتيلاري ائله
بير بير لرينه باغلانيبلار
کی ميثال
اوچون دوغو آسيانين
ايقتيصادينين
ياتماغي بوتوو اولکه لرين ايقتيصادلارينا
تأثيرلي اولور و...
ايندي فرهنگ بير ديرلی جينس
كيمي اولكه لرين آراسيندا
آليش وئريشه قويولور.
چوخلی خيردا فرهنگلر بو آرادا آرادان گئديرلر و
ياددان چيخيرلار.
يونسكونون آمارلاری دئييرلر
دونيانين (هله ليك) آلتی
مين ديليندن
ياريسي آرادان گئتمه ک حاليندادير
و هر ايل اون
دانا ديل آرادان گئدير.
تلويزيا گورنلرين سايي چوخ اولماقي اثرينده تلويزيا هر
ميللتين فرهنگينده بويوک و
آغير بير تاثيري واردير.كيتاب اوخوماق فرهنگينين اولماماغي، دوزگون
گونده ليك و هفته ليك لرين
يوخلوقو، ماهواره نين قدغن اولونماسي و... باعيث اولوب ايراندا دولتي تلويزيانين
گورنلري چوخ اولوب اونون تاثيري
داهادا چوخ اولسون.
سراسري شبكه لرين سياستي و ايراندا فارس ديلي و فرهنگيندن سونرا اولان فرهنگلري بير
يانا
ويرماغي ائله بير يئني مساله دئييل و بو سياستينده قايناغي و اونون هدفلريده
بللي دير. اما بو آرادا "استاني شبكه" لر فارسدان سوواي فرهنگلري تانيتديرماق و اولاري
ديري ساخلاماقدان اوتور!!! يولا دوشولر اما لاپ بويوك ضربه بولارين
توسطيله فارسدان سوواي فرهنگلره ويريلير.
تبريزين شبكه سينده فاذري ديلينده پخش اولان
پروگراما اوخشارلار! هر باخانا آغيزين
ايير و اولارا ياندي قيندي وئرير! آذربايجاندا اولان بويوك و دوغرو شاعيرلر، اوخويوب
و چالانلار، يازيچيلار و... كنارا ويريلير و بير عده كي هامي بيلير نه جور
اينسانلارديلار شاعير، يازيچي و هنرمند!!! آديله ملتين بئينين يئييرلر.
عاشيق برنامه يه چاغريلير اما سازي گولدان داليندا گيزلين ساخلانير!
شهرياردان
سونرا باشقا توركي شاعيرين آدي آپاريلمير و آذربايجانين تاريخيندن و اونون باشينا
گلن ايشلردن سوز آچيلمير و...
صمد بهرنگي دئيير:" هر آلچاق اثره فقط بونا گورا كي آنا ديليميزده دير ياخچي دئمه ك
اولماز." و بيزده اگر بونا گوره سئوينك كي "استاني شبكه" سينده توركي!!!
برنامه لر دوزه لينير و بيزيم آنا ديليميز دانيشيلير ايشتباه يولداييق. آتالاردان بئله
بير سوز قاليبدير:" آچيلمايان سفره نين بير عيبي وار اما آچيلان سفره نين مين
عيبي." و بو سفره اگر آچيلماسايدي بوندان ياخشي ايدي!
بو گونلر((دونياليق اوشاقلار و تلويزيا
)) گونلري دير. تبريزين تلويزياسيندا اوشاقلارين پروگراملاري
فاذري ده يوخ بلكه تكجه فارسجا ياييلير. بو سياست لرين اثرينده آذربايجانين
اوشاقلاري-گنجلري توركجه دانيشاندا يا توركجه يازاندا ( اگر يازماق ايمكانلاري
اولسا!) اولده فارسجا فيكر ائديب سونرا دانيشسينلار-يازسينلار. بو سياستين سونودا
گون كيمي هامييا آيدين دير. بونا گوره ده بوگونلرين آدين گره ك " دونياليق
اوشاقلار و اوزگه ديل و فرهنگين تلويزياسي گونو" آدلانايدي...!
نظر لرينيز!