|
|
بوندان كي آنا ديليمي دوز يازا بيلميرم ايستيرم هاي سالام ! آما بو حال دا ايستيرم آنا ديليمده يازام ، سايت دوزلدم و... چارم نه دير؟ هر حال دا غلط توركجه يازماغي بيزه باغيشلايون!
آذربايجان جاوانلاري و توركجه يازيب اوخوماق
بيز آذربايجان جاوانلاري آناديليميزي آناميزدان اورگشيب دانيشيريق و ائله اوجوردا يازيريق چون اونو دوز و قايدا اوزينن يازماسين بيزه اورگه دن اولماييب وبيزده داليسيجان گئتمه ميشيق يا ائلييه بيلمه ميشيق گئداق. اوشاقليقدان او قده ر((ادبيات فارسي)) و((دستورزبان فارسي)) درسلرين اوخوموشوق كي آناديليميزينده ((دستورزبان)) ينا او باخيشدان باخيريق!
بو ايشين علتلرين تاپماق بيزيم ايشيميز دئيل و گره ك بويوك باشلار و ايش بيلنلر بومقوله ده نظر وئرسينلر اما اونون سون هدفين تاپماق و بوني بيلماق كي كيملر و هانسي گروهلار بو ايشدن فايدالانيرلار چتين ايش دئيل. شوونيسم كي توركي ديلينين عظمتينين قاباقيندا((مات)) اولوب باشقا بيرحربه ينن اونون جنگينه گلير. اونلار فيكرائليللر((ايران)) دا توركو ديلين((بايكوت)) ائله ماق واونون تاريخين و فرهنگين جعل ائله ماق باعث اولار آذربايجانليلار اوز آنا ديللريندن ال چكيب و باشقا بير ديله و فرهنگه پناه گتيسينلر! اگر تورك جاوانلاري اوز ديللرين دوز دانيشيب و يازانماسالار، اوز تاريخلري و گئچميشلريندن خبرلري اولماسا واگراوز((اوزلوق)) لاريندان اوزاق ساخلانسالار اولارين ايپلرينه كي قويونون تكينه گئدير ال آتاجاقلار! بلي، اولار فيكر ائلييرلر بيز بير گوورنتي لريق كي اگر بيزه سو يئتيشمه سه داها گول وئرمييه جاييق.
اما اولار بوني بيلمييب و بيلميه جاقلار كي بيز ريشه لريميزي بير دامجي سو تاپماقدان اوتور يئرين تكينه اوزالداجاييق ، نه قده ر اوستدن بيزه سو يئتيشمه سه او بئله آتدان قاباقا گئده جاييق و نه قده ر اياقلانساق او بئله اوز يئريميزده بركييه جاييق . طبيعتين قانوني بوني ثابت ائدير كي كويرده بيتن گوورنتيلرين دوًًزومي طبيعي بلالارين قاباقيندا او بيري لره گورا چوخدي. بيزيم ريشه لريميز اوقده ر يئرين تكينه گئديب كي بيزي ((طوفان)) دا قالخيزانماز هله قالسين اولار كي هئچ ((نسيم)) ده دئيللر! بلي، بيزلر شايد داها گول وئرميياق اما ائله تيكانلار چيخاردا جاييق كي داها بيزي اياقلاماق و اوستوموزدن گئچماق بو راحاتليقدا اولماسين. بيزچول گولويوق!
بيز دوز دانيشيب - يازانماساق دا ، ديليميزين قدرين بيليريق، اگر باشارماساق اما ايستيريق اورگشاق ، بيلميريق اما بيليريق كي بيلميريق، اشتباه يازيريق اما يازيريق، بيز واريق.
بيزلر اشتباه يازماق و دانيشماقيميزي قبول ائليريق اما بيزيم نظريميزده بوشرايطده اشتباه يازماق هئچ زاد يازماماقدان ياخشيدير. بيز يازيريق تا ثابت ائداق اوز ديليميزي اشتباه يازساق دا آيري بير ديله يازميياجاييق.
نظر لرينيز!