|
|
21 آذرنهضتينين 58- نجي ايل دونومو
فيلم لر :
1-
پيشه وري كندليلر آراسين دا دانيشير.(
download-718kb
)
2- شاعير بي ريا
شعر اوخويور
(download-510kb
)
3- ملي حكومتين
دولت جلسه سي
(download-473kb
)
4- كيتابلار
يانيرلار
(download-
281kb )
سس : × تبريز معاهده نامه سي (download-221kb)
سايت : 21 آذر وئبلاگي
عباسي خليفه لرينين استبدادينا، پهلوي ظولمونه
و استعمارچي لار حوكمرانليغينا قارشي آمانسيز مبارزه لرده، آذربايجان خالقي هميشه بيرينجي مبارزه سنگرلرينده اولموشدور. خالقيميزين آزادليق اوغروندا مبارزه لرينين
ان ياخشي صحيفه لري آذربايجان قهرمان اوغوللارينين قانيله يازيلميشدير.
ايكينجي دونيا ساواشينين باشلانيقيندا، آزادليق سئوه ن خالقيميز اوز مبارزه سيني
سيد جعفر پبشه وري نين رهبرليگي ايله قالديردي واستعمار قالاسينا هجوم ائتدي و
بيرينجي اولاراق ملي حكومت ياراتدي.
تهران حكومتي اوز خارجي آقالارينين حمايه سيندن استفاده ائدره ك استعماربايقوشونون
قانادي آلتيندا ((آذربايجان فتح ائتمك سفري)) آدلانان مشهور ننگين يوروشه باشلادي
وآذربايجان خالقينين الده ائتديگي آزادليق و دموكراسيني قان ايچينده بوغماغا موفق
اولدو.
1325 نجي ايل آذر آييندا هجوم باشلانان تاريخدن آذربايجان طوفانلي بير صحنه يه چئوريليندي. بو مئيدانين بير طرفينده جللادليق، آلچاقليق، معنوي دوشگونلوگ و
ساتقينليق وباشقا طرفينده ايسه ايگيد ليگ، شهامت و آزادليق اوز- اوزه دوردولار.
تهران حكومتينين هله پيش قراوول- لاري زنجانا گيرمه ميش بوتون شهر قانا بوياندي.
آذرين ايكينجي گونو آچيق فيكيرلي روحاني شيخ محمدعلي خوئيني اوز محضرينده
اولدورولوب جنازه سي دامدان يئره آتيلدي.
25-26آذرگونلري اردبيل اوچون ان آجيناجاقلي خاطره لر گونو ايدي. شهيد اولانلار او
قده ر چوخ ايديلر كي گل- گئت يولو باغلانميشدي. اسماعيل عبدالرحيم اوغلوحكاك((ساري
اسماعيل))، ديبائيان و باشقا شهيدلرين جنازه لريني قارا گروهچولار شهرين هر طرفينده
دولانديريرديلار. اردبيل شهرينين فرمانداري خليل آذربادگاني((خليل دائي)) ني اوچ
دفعه دارا چكديلر. هر دفعه اونو ياريم جان هوشا گتيريب يئنيدن آسديلار. او دار آغاجينين ديبينده اوجا سسله دئدي:
" من وطن يولوندا اولدورولورم، سون غلبه حق و آزادليقلادير. ياشاسين آزاد آذربايجان."
آزادليق دوشمانلاري ايگيد شاهسئوه ن قيزي ((سريه)) ني بئش گون تك جانينا
محاصره ده مقاومت ائتديكدن سونرا نامردجه سينه شهيد ائتديلر. او گولله نركن
"
آذربايجان اوغوللاري منيم انتقاميمي آلاجاقلار." دئدي.
آذربايجان دموكرات فرقه سينين اورمو تشكيلاتينين صدري محمدامين آزادوطن، نورالله
يكاني، معارف رئيسي آستارالي شكيبا، حيدري وباشقالاري مبارزه آپارديلار و
بيربيرينين قوينوندا ابدي يوخويا گئتديلر.
جنايتكارلار تبريز ده، مجلس كيتابخاناسي، ميللي اوركستر، دولت فيلارمونيسي و تياتري
غارت ائتديلر. سرداريله سالار مللي نين مجسمه لري سينديريليب يئرينه رضاخانين عكسي
قويولدو. استعمار هيولاسي آزادليق فرشته سينين يئرينه اوتوردو. شاهين قوشونو تبريزه
سوخولدوقدان سونرا يئنه مدرسه لرو اداره لرده ديليميزين رسمي ايشلنمه سي ياساق
اولدو. 1325 نجي ايل آذرين 22 سينده تبريزده دانشسرا مئيدانيندا توركجه كيتابلار
قالانيب يانديريلدي.
آذربايجان خالقي نين ايگيد اوغلو((فريدون ابراهيمي)) پارلاق اولدوز كيمي باشقا
شهيدلر ايچره سينده پارلاييردي.
او آلتي آي ايشكنجه چكديكدن سونرادا شجاعتلي، مغرور و تسليم ائديلمز قالدي. ايندي
او آذربايجان ايگيدينين بيوگرافي سين خاطيرلاديريق:
فريدون ابراهيمي 1297 نجي گونش ايلينده آستارا شهرينده آيدين بير عائله ده آنادان
اولموشدور. او ابتدائي تحصيلاتين آستارادا آلميشدير. آتاسي ميرزا غني 1308 نجي
ايلده سياسي اتهاملا حبسه آلينميش وبير نئچه ايل زينداندا قالاندان سونرا نهاونده
تبعيد اولموشدور. او اوز زامانينين آيدينلاريندان ساييليردي. فريدون تهراندا حقوق
فاكولته سينده تحصيل آلديغي زامان خصوصي تدريس، روزنامه لره مقاله يازماق واسطه
سيله اوزونون گونده ليك ياشاييشيني تامين ائديردي. ايكينجي دونيا ساواشي ايللرينده
او تهراندا ياييلان روزنامه لردن و هابئله دموكراتيك مطبوعاتينين بير نئچه سينده
اشتراك ائتميش و چوخ كسرلي سياسي مقاله لر يازميشدير. بو سيرالاردا فريدون،
آذربايجانين اولو اونده ري خالقيميزين اوره يينده ياشايان وملي حكومتين باشچيسي
سيد جعفرپيشه وري ايله تانيش اولور. اونون ((آذربايجان دانيشير)) آدلي سلسله مقاله
لري تاريخي گئچميشيميزي بير داها خاطيرلاداراق، خالقي آزادليق اوغروندا دويوشلرده
روحلانديريردي. او بئله يازيردي: " منيم مقصديم بودور... اوز حقيقي مقامي و
موقعيتيني الده ائتمك اوچون بو گون قيام ائده ن آذربايجان مللتيني آزاد دونيايا
تانيتديرماق ايسته ييرم. بشريتين مدنيت تاريخينده آذربايجانين نه كيمي بير مقاما
مالك اولدوغونو گوسترمك ايسته ييرم..."، او بو مقاله لرده اوز خالقينين پارلاق
تاريخيني خاطيرلاداراق سونسوز بير افتخار حسي ايله قيد ائديردي: " آذربايجان مقدس
ابدي اودلار اولكه سيدير. بو عزيز تورپاغين هر بير قاريشيندا افتخارلي
بابالاريميزين اونودولماز يادگاري قالير. اونون گئچميشده كي عظمتلي قالالارين
قاليقلاري و مقدس آتش لرينين اثرلري بيزيم بويوك آتالاريميزين پاك روحو و سارسيلماز
ايناميني گوسترير..."
او آ. د. ف مركزي كوميته سينين اورگاني اولان((آذربايجان)) روزنامه سينين تحريريه
هئيتي ايله ياخيندان امكداشليق ائدير. 1325 نجي ايلده ابراهيمي پاريس ده تشكيل
اولونموش صلح كونفرانسينا آذربايجان مطبوعاتينين نماينده سي عنوانيله گوندريلدي.
ابراهيمي دموكراتيك مطبوعاتيميزين گوركملي خاديمي كيمي اوز قلمي، بيليك و باجاريغي
ايله خالق حركاتين 21 آذر نهضتينين غلبه سي اوغروندا چاليشميشدير. 21 آذر نهضتينين
غلبه سيندن سونرا آذربايجان دموكرات فرقه سينين و مللي حكومتين باش مدعي العمومي
تعيين ائديلدي.
نهايت 1325نجي ايلين آذر آييندا شاهنشاه قوشونلاري خائنجه سينه آذربايجانا
سوخولدوقدان سونرا ابراهيمي ده حبسه آلينير. او زينداندا دا مبارزه دن ال اوزمور.
نهايت آلتي آي حبسده ساخلانيلديقدان سونرا، اونو جمعه گونو 1326 نجي ايل خرداد
آيينين بيرينده تبريز شهرينده دارا چكيرلر. او گون آذربايجان خالقينين عمومي عزا
گونو ايدي.
مللي نهضتيميزين و دموكراتيك ادبياتيميزين گوركملي قوللوقچوسو اولان فريدون
ابراهيمي آزادليقلا اسارت آراسيندا گئدن دويوشون گوركملي قهرمانلاريندان و يئني
نسلين مبارزلريندن بيري اولموشدور. ائله بونا گوره ده اونون خاطيره سي 21 آذر
نهضتيله ابدي له شير و ابدي له شه جكدير. بئله نقل اولونور:
شاهين قوشونو ميانايا ياخينلاشميش گونلرايدي. بيريسي تله سيك اوتاغين
قاپيسيني آچيب ايچري گيريب دئدي: " تئز اولون ايندي قيز كورپوسونون پاتلاماسيندان
يئتيشيرم، دورون گئده ك. مللي حكومتين داديستاني اولان آستارالي فريدون ابراهيمي
سوروشدو: هارا؟ دئدي: او تايا. ابراهيمي جاواب وئردي: بو تايدا كي هله بيز روسلارين
الينده دئييلديك بيزيله نئيله ديلر كي ايندي اونلارين اووجونا گيره ك. من بيليره م
كي بوردا باشيما نه گله جكدير، آمما من اوز يوردومدا قاليب جانيمي اونا قوربان وئره
جه يم. ابراهيمي قالدي وتبريزده گولوستان باغيندا دار آغاجي آلتينا گئدنده سورمئيي
كوت- شالوار گئيميش و ياخاسينا قيرميزي گول تاخميشدي.
توپلانما يئري : تبريز- اماميه
قبريستانليغي- فريدون ابراهيمي نين مزاري اوستو
زامان: 1382 آذرين 21ي- گون اورتادان سونرا- ساعات16
نظر لرينيز!